Aty ańyzǵa aınalǵan ánshiniń 100 jyldyq mereıtoıy halyqaralyq deńgeıde atap ótiledi
HH ǵasyrdyń kórnekti opera jáne estrada ánshisi ulttyq ónerdiń damýyna eleýli úles qosty. Jaqynda elordada KSRO jáne Qazaqstan halyq ártisiniń eksklúzıvti músini tanystyryldy, dep habarlaıdy Almaty-akshamy.kz
«100% uqsastyq dep aıtsam bolady. Músindi alǵash kórgende tańyrqap qaldym. Jubaıym men balalarym kózderine jas aldy. Biz munda anamyzdyń áshekeılerin, oramaldary men syrǵalaryn qostyq. Ol kisi maǵan, eń birinshiden, ana boldy. Jas kezimde onyń qanshalyqty úlken tulǵa ekenin jete túsinbedim, tek jasym ulǵaıa kele, anamnyń ulylyǵyna kózim jetti», - deıdi Roza Baǵlanovanyń uly Tájen Baǵlanov.
Aıta keteıik, byltyr IýNESKO 2022-2023 jyldarǵa arnalǵan estelik datalardyń tizimin bekitti. Oǵan qazaqtyń bulbuly Roza Baǵlanovanyń 100 jyldyq mereıtoıy endi. Ataýly dataǵa oraı elimizde merekelik sharalar legi bastalady. Atap aıtqanda, Roza Baǵlanova atyndaǵy halyqaralyq ánshiler baıqaýy elimizdiń bas qalasynda ótpek. Qyzylorda, Almaty, Máskeýde konsertter josparlanǵan. Ataqty ánshiniń mereıtoıy Parıjdegi IýNESKO-nyń shtab-páterinde de atap ótiledi.