Atap aıtqanda, alǵash ret «Analar kúni» merekesi atap ótilýde.
10 mamyrda Astanadaǵy Belsendi uzaq ómir súrý ortalyǵyna aq jaýlyqty analarymyz jınalyp, analar merekesiniń mańyzdyǵyna erekshe mán berdi, dep habarlaıdy Almaty-akshamy.kz Elorda.info-ǵa silteme jasap.
Ortalyq qyzmetkerleri Analar merekesin «Batyr ana», «Altyn alqa» jáne «Kúmis alqa» ıegerlerine qurmet kórsetip, olardyń urpaq tárbıesi men ult bolashaǵyna qosqan eńbegin ulyqtaý maqsatynda uıymdastyrdy.
Merekelik is-shara «Analar álemi» atty sýret kórmesinen bastaldy. Sonymen qatar jınalǵandarǵa «Qolóner-toqyma» atty sheberlik klasy ótkizildi.
Analar merekesi Ortalyqtyń kórkem ónerpazdary daıarlaǵan konsertpen ulasty. Barlyq ánder ana taqyrybyna arnaldy. Qala zeınetkerlerinen quralǵan «Asyl mura» dombyrashylar orkestri, «Veterany» hory men «Saǵynysh sazy» ansambli jáne t.b. ónerpazdar ónerlerin ortaǵa saldy.
«Analar kúni» merekesine qatysqan zeınettegi bir «Batyr ana», bir «Altyn alqa» jáne 12 «Kúmis alqa» ıegerine qoshemet kórsetilip, syılyqtar tabys etildi.
İs-sharaǵa qala kásipkerleri demeýshilik etti.