Ana taqyrybynda oı tolǵanbaǵan, eń az degen tórt shýmaq óleń jazyp tebirenbegen adam kemde-kem shyǵar. Búgin nazarlaryńyzǵa ana taqyrybyndaǵy úzdik úsh kitapty nazarlaryńyzǵa usynamyz.
Sherhan Murtaza "Aı men Aısha"
⠀
Bul kitapty avtor óz anasy týraly jazǵan. Ákesi Murtaza tutqyndalǵannan keıin anasy Aısha úsh balasyn jetkizemin dep talaı taýqymetti bastan keshedi. Oǵan talmaı, alǵa jyljýǵa kúsh beretin - balalary men jalǵyz jaratýshy. Aspandaǵy Aıǵa qarap, jubanysh tileıdi. Sherhan Murtaza anasy Aısha men Aıdyń baılanysyn sheber sýrettegen.
⠀
Ǵabıt Músirepov "Ananyń anasy"
⠀
Óz zamanynda ana týraly, áıel zaty týraly eń kóp qalam terbegen - Músirepov. Bul shyǵarmasynda óz júregin jaryp shyqqan qyzyn zorlap alyp bara jatqan jerinen anasy jankeshtilik tanytyp, qutqaryp alǵany baıandalady. El ishine keń taraǵan ańyzdy avtor sheber jetkize bilgen.
⠀
Saıyn Muratbekov "Ananyń armany"
⠀
Úsh ul, bir qyzy bar ananyń taǵdyry baıandalǵan shaǵyn ǵana áńgime áp degennen adamdy baýrap alady. Kebejesiniń túbinde jatqan úsh kamzoldyń birin de kımeı, ózinen aıaıtyn, balalarynyń úıine barsa bir sát tynym tappaı shaýyp júretin, bar ómirin balalaryna arnaǵan ananyń ne armany bar eken? Áńgimeni ózińiz oqyp kórińiz.