Bul týraly «Qazaqstandaǵy 5G ekojúıesin damytý» onlaın-konferensıasynda aıtyldy.
Tele2/Altel bas dırektory Sergeı Konkov elimizde 5G tehnologıasy qanshalyqty jyldam taraıtyny týraly túsindirdi, dep habarlaıdy Almaty-akshamy.kz QazAqparatqa silteme jasap.
«Biz ózimizge tehnologıany iske qosý quqyǵyn, jıilik resýrsyn alý, jelini ornalastyrý mindetin aldyq. Kelesi bes jylǵa lısenzıalyq mindettemeler bar. Biz bes jylda shamamen 3,5 myń bazalyq stansıa salýymyz kerek. Bul óz kezeginde 5G tehnologıasyn paıdalanatyndardyń 80 paıyzdan astamyn qamtıdy», - dedi S. Konkov.
Osy oraıda ol 5G tehnologıasynyń alǵashqy sektorlary Astana, Almaty jáne Shymkent qalalarynda iske qosylǵanyn eske saldy.
«Alǵashqy bazalyq stansıa Astanadaǵy EKSPO aýmaǵynda ornatyldy. Degenmen ol EKSPO aýmaǵyn túgel qamtymaıdy. Aldaǵy birneshe aıda Astanada jáne basqa qalalarda qamtý aıtarlyqtaı keńeıedi», - dedi spıker.
Eske salsaq, 2022 jyly jeltoqsanda Qazaqstanda 5G jıilikterin taratý boıynsha aýksıon ótti. Birinshi tenderde jıilik 62,6 mlrd teńgege, ekinshisinde 93,4 mlrd teńgege satyldy.
Úkimet basshysy Álıhan Smaıylov 5G engizýdi 2027 jylǵa deıin aıaqtaýdy tapsyrdy.
«Qazaqtelekom» aksıonerlik qoǵamynyń enshiles kompanıalary 2027 jylǵa deıin elimiz boıynsha 7 myńnan astam bazalyq stansıa salýǵa tıis.
Bıyl Astana, Almaty jáne Shymkent qalalarynda osyndaı 486 stansıa paıdalanýǵa beriledi.