Qazaqstandyqtar 11 aıda 431 mlrd teńgege shetel valútasyn satyp alǵan
2021 jylǵy qarashada el turǵyndary netto-negizde 431 mlrd teńgege balama qarjyǵa qolma-qol shetel valútasyn satyp aldy. Bul týraly Ulttyq banktiń baspasóz qyzmeti málim etti, dep habarlaıdy Almaty-akshamy.kz
Ótken aımen salystyrǵanda, shyǵystar 1,5 ese ulǵaıdy (2021 jylǵy qazandaǵy kórsetkish – 294,5 mlrd teńge), 2020 jyldyń osy kezeńine qaraǵanda (283,7 mlrd teńge) netto-satyp alý kólemi 1,5 ese ósken.
«Shyǵystyń negizgi kólemi – 68,6% nemese 295,5 mlrd teńge – dollardyń, 20,6% nemese 88,8 mlrd teńge – Reseı rýbliniń úlesinde, 10,8% nemese 46,4 mlrd teńge – eýrony satyp alýǵa baǵyttaldy», - delingen habarlamada.
Bir aıda dollardy satyp alý shyǵysy 1,6 ese, rýbldi satyp alý – 23,0%, eýrony satyp alý shyǵysy 37,5% ósken.