Doktoranttardyń stıpendıasy 82 myńnan 170 myń teńgege deıin ósti
Keıingi eki jylda doktoranttardyń shákirtaqysy 82 myń teńgeden 170 myń teńgege deıin ósken. Bıyl qyrkúıek aıynda onyń mólsheri taǵy kóterilmek. QR Bilim jáne ǵylym mınıstri Asqat Aımaǵambetov Facebook paraqshasynda osylaı dep málim etti, dep habarlaıdy Almaty-akshamy.kz
«Memleket basshysynyń tapsyrmasyna sáıkes, joǵary oqý oryndary stýdentteriniń shákirtaqysy ósti. Máselen, sońǵy eki jylda doktoranttardyń shákirtaqysy 82 myńnan 170 myń teńgege deıin ósti. Bıyl qyrkúıek aıynda shákirtaqy kólemi taǵy da artady», - degen mınıstr joǵary oqý ornynda oqý úshin bólinetin memlekettik bilim granttarynyń sany 5000-ǵa artqanyn eske saldy.
Aıtýynsha, bıyl da grant sany osyndaı kólemde artady.
«Grant bólý kezinde «merit based»-ke ǵana emes, «need based»-ke de nazar aýdaramyz. Máselen, alǵash ret kvota boıynsha bilim granttary jalpy sanynyń 5%-y kóp balaly otbasynan shyqqan balalarǵa, 1%-y tolyq emes otbasynan shyqqan balalarǵa bólinedi», - dep jazdy Asqat Aımaǵambetov.