Elimizde qyzylsha aýrýyn juqtyrý derekteri ósti.
Bul týraly Densaýlyq saqtaý vıse-mınıstri – Bas memlekettik sanıtarıalyq dáriger Aıjan Esmaǵambetov aıtty, dep habarlaıdy Almaty-akshamy.kz QazAqparatqa silteme jasap.
«Bıylǵy 7 aıynda respýblıka turǵyndary arasynda 25 nozologıa, onyń ishinde tyrysqaq, oba, paratıfter, ish súzegi, týláremıa, sirespe, dıfterıa, polıomıelıt, qutyrma, bezgek, vıseraldy leıshmanıoz, pasterellez aýrýlary tirkelgen joq. Byltyrdyń osy kezeńimen salystyrǵanda 39 ınfeksıalyq aýrý, onyń ishinde botýlızm 45 paıyzǵa, rotavırýstyq enterıt 25 paıyzǵa, qyshyma 9 paıyzǵa, salmonellez 12 paıyzǵa, týberkýlez 6 paıyzǵa tómendedi», - dedi A. Esmaǵambetova Ortalyq komýnıkasıalar qyzmetindegi baspasóz máslıhatynda.
Onyń aıtýynsha, qyzylsha aýrýyn juqtyrý derekteri ósti, qazirgi kezde qyzylshanyń 3 037 jaǵdaıy tirkeldi.
«Qazaqstan aýmaǵynda asa qaýipti ınfeksıalardyń tabıǵı oshaqtary: oba, týláremıa, kúıdirgi aýrýynyń, Kongo-Qyrym gemorragıalyq qyzbasy, búırek sındromy bar gemorragıalyq qyzba jáne basqalar ornalasqan. Jazǵy kezeńde kenelerdiń keńinen taralýyna qaraı aýrý faktileri ósedi. Elimizdiń 4 óńiriniń, ıaǵnı Jambyl, Qyzylorda, Túrkistan oblystary men Shymkent qalasynyń aýmaǵynda Kongo-Qyrym gemorragıalyq qyzbanyń tabıǵı oshaqtary bar. Jyl saıyn óńirlerdiń ákimdikteri men Sanıtarıalyq-epıdemıologıalyq aýmaqtyq departamentteri kóktemde aýrýdyń taralýyna jol bermeý maqsatynda tabıǵı oshaqtarda kenege qarsy is-sharalar uıymdastyrady», - dedi vıse-mınıstr.