Al qaza bolǵandar sany 9%-ǵa ósken.
Jol apatynan qaza tapqandar sany rekordtyq deńgeıge jetti, dep habarlaıdy aqshamnews.kz Energyprom.kz-ke silteme jasap.
Qazaqstan Bas prokýratýrasy Quqyqtyq statısıka jáne arnaıy esepke alý jónindegi komıtetiniń málimetinshe, bıylǵy jyldyń qańtar-qazan aılarynda jol apaty saldarynan 29,5 myń adam zardap shekken. Bul sıfr tipti sońǵy jyldardaǵy jyldyq kórsetkishten de asyp tústi. 2023 jyldyń on aıynda apattan zardap shekkender eki ese (14,5 myń adam) az boldy.
Qańtar-qazan aılarynda qaıtys bolǵandar sany da ósti: 2023 jyldyń osy kezeńindegi 1,9 myń adam bolsa, bıyl 2,1 myń adam. Oǵan apattyń kóbeıip ketýi sebep.
Qaza bolǵandardyń kóbi Almaty, Túrkistan jáne Jambyl oblystarynda: 736 adam nemese jalpy ólim-jitimniń 35 paıyzy osy aımaqtarǵa tıesili. Adam ólimine ákelgen jol apattary Astanada az tirkeldi.
Júrgizýshiler jaraqat alǵan nemese qaza bolǵan jol apattarynda 86% jaǵdaıda er adamdar zardap shekken. Kóbinese (79% jaǵdaıda) bul jas nemese orta jastaǵy er adamdar (18-den 49 jasqa deıin). Júrgizýshiler zardap shekken nemese qaza tapqan jol apattarynyń 3%-ynda kámeletke tolmaǵandar kólik júrgizgen.
Jaraqat alǵan nemese qaza tapqan jolaýshylar kóbine áıelder (61%) boldy. Jol apattarynan zardap shekken jáne qaza tapqan jolaýshylardyń tórtten biri balalar: bıylǵy jyldyń on aıynda – 2,4 myń adam.
2024 jyldyń qańtar-qazan aılarynda júrgizýshiler 8,3 myń ret jaıaý júrginshilerdi qaqqan. 34% jaǵdaıda balalar, al 48% jaǵdaıda 18 ben 49 jas aralyǵyndaǵy eresekter jaraqat aldy nemese qaza boldy.
Aıtpaqshy, jol apatyna 3% jaǵdaıda ǵana jaıaý júrginshi kináli. 8% jaǵdaıda kináliler oqıǵa ornynan qashyp ketedi. Qańtar-qazan aılarynda 480 mas júrgizýshi jol apatyn jasaǵan. Jol apatyna kinálilerdiń ishinde mundaı júrgizýshilerdiń úlesi 2,2%-dy qurady.