Negizgi kapıtalǵa salynǵan ınvestısıalar 14,6% -ǵa artqan.
Ulttyq ekonomıka mınıstri Álibek Qýantyrovtyń málimdeýinshe, bıylǵy on bir aıda Qazaqstannyń jalpy ishki ónimi 4,9%-ke ósti, dep habarlaıdy Almaty-akshamy.kz
"Bıyl qantar-qarasha aılarynyń qorytyndysy boıynsha Qazaqstan ekonomıkasynyń ósý qarqyny 4,9%-ti qurady. Onyń ishinde naqty sektor – 3,5%-ke, al qyzmet kórsetý salasy – 5,6%-ke ósti. Salalar arasynda eń joǵary ósimdi qurylys, saýda, aqparat jáne baılanys, sondaı-aq kólik jáne qoımalaý kórsetti", - dedi Qýantyrov.
Aıtýynsha, negizgi kapıtalǵa salynǵan ınvestısıalardyń ósý qarqyny 14,6% boldy. Investısıalar aǵyny aqparat jáne baılanysta – 2,8 esege, kólik jáne qoımalaýda – 58%-ke, saýdada – 34%-ke, bilim berýde – 17%-ke, aýyl sharýashylyǵynda – 11%-ke, sondaı-aq ónerkásipte – 8,5%-ke, onyń ishinde óńdeý ónerkásibinde – 4,6%-ke ósti.
Óńirler arasynda eń joǵarǵy ósim Mańǵystaý, Túrkistan, Abaı jáne Pavlodar oblystarynda baıqaldy.
Aldyn ala qorytyndy boıynsha 2023 jylǵy qańtar-qazanda syrtqy saýda taýar aınalymy 2,6%-ke ósip, 114 mlrd dollardan asty. Eksport 65 mlrd dollarǵa, onyń ishinde óńdelgen taýarlar eksporty 21 mlrd dollarǵa jýyqtady. Taýarlar ımporty 49 mlrd dollardy qurady. Jalpy, oń saýda balansy 15 mlrd dollardan asty.
Mınıstr óńdeý ónerkásibinde de oń ósim saqtalyp otyrǵanyn atap ótti. Óndiris kólemi 3,4%-ke ósken. Mashına jasaý óndirisi 27%-ke jýyq, onyń ishinde avtomobıl jasaý – 41%-ke jáne elektr jabdyqtaryn jasaý – 32%-ke ulǵaıdy.
Sondaı-aq azyq-túlik, metal buıymdary, qurylys materıaldary, plasmassa buıymdary, jeńil ónerkásip pen jıhaz óndirisinde de oń ósim tirkelgen.
Taý-ken ónerkásibindegi óndiris kólemi 5,2%-ke joǵarlady. Bul rette gaz óndirý – 12%-ke, munaı óndirý – 7,8%-ke, ózge de paıdaly qazbalardy óndirý –13%-ke ósti. Metal kenderin óndirý – 0,5%-ke, taý-ken ónerkásibinde qyzmet kórsetý – 2,6%-ke, kómir óndirý 5,8%-ke tómendedi.