Turǵyn úı keshenderiniń kóptep salynýy sebepti mektepterde de oryn jetispeı jatyr.
Aýdan mektepterindegi oryn tapshylyǵyn azaıtý úshin 1 qyrkúıekte 3 mektepke (№146, 191, 125) 875 oryndyq qosymsha qurylys aıaqtaldy, dep habarlaıdy Almaty-akshamy.kz
3 mektepti (№81, 40, 45) seısmıkalyq kúsheıtip, kúrdeli jóndeý jumystary júrgizildi.
30-qarashaǵa deıin «Orbıta-3» yqshamaýdanyndaǵy №145 mektepti seısmıkalyq kúsheıtý jáne №9 arnaıy korreksıalyq mektep-ınternatqa qosymsha salynǵan
120 oryndyq qurylys aıaqtalady.
Sondaı-aq 2022 jylǵy qarasha aıynda «Qazaqfılm» yqshamaýdanyndaǵy №70 mektepti seısmıkalyq kúsheıtý bastalady.
Áleýmettik jaýapkershilik sheńberinde «Bazıs» jaýapkershiligi shekteýli seriktestigi 1-shi qazanda №65 mektepke 300 oqýshy oryndyq qosymsha qurylys salýǵa kiristi.
Oqýshy oryndarynyń tapshylyǵyn odan ári tómendetý maqsatynda búgingi tańda qurylys kompanıalarynda mynadaı jańa jobalar qarastyrylǵan:
Qala ákimdigi «Jaıly mektep» ulttyq jobasyn iske asyrý aıasynda 2000 oryndyq mektep salý úshin aýdany josparlaýda;
«RAMS Qazaqstan» JSHS 2023 jylǵy qyrkúıekte Jandosov kóshesi, 94 mekenjaıy boıynsha 1 100 oryndyq mektep qurylysyn aıaqtaıdy, sondaı-aq aǵymdaǵy jylǵy jeltoqsanda 240 oryndyq 2 balabaqsha qurylysyn bastaıdy.
Mektepke deıingi mekemelerde oryn tapshylyǵyn azaıtý úshin burynǵy №1 balalar úıiniń qoldanystaǵy ǵımaratyn 480 oryndyq balabaqshaǵa qaıta jańartý týraly sheshim qabyldandy. Qazirgi ýaqytta JSQ ázirlenýde. Qurylys-montaj jumystarynyń bastalýy 2023 jyldyń kóktemine josparlanǵan.
Aǵymdaǵy jyldyń 30 qarashasyna deıin Naýaı kóshesindegi №113 bóbekjaı-baqshasyn seısmıkalyq kúsheıtý aıaqtalady.
ADK aýdanynda da jyl sońyna deıin «Akvarel» TK (Bazis-A) árqaısysy 150 oryndyq 2 balabaqsha ashylady.
2022 jyldyń basynan beri 854 oryndy 15 jeke balabaqsha ashyldy.