2023 jyly eń tómen jalaqy alatyn 1,8 mln adamnyń aılyǵy kóbeıedi.
2023 jylǵy 1 qańtardan bastap Qazaqstanda eń tómengi jalaqy mólsheri 60 000 teńgeden 70 000 teńgege deıin ulǵaıtyldy. Nátıjesinde 1,8 mln jaldamaly qyzmetkerdiń aqshalaı kirisi ósedi, dep habarlaıdy Almaty-akshamy.kz primeminister.kz silteme jasap.
Oqý-aǵartý mınıstrliginiń málimetinshe, 2023 jyldyń 1 qańtarynan bastap balabaqsha tárbıeshileriniń, mektepter men kolejder pedagogtarynyń, sondaı-aq qosymsha bilim berý júıesi mamandarynyń jalaqysy 25%-ǵa artady.
«Pedagogterdiń jalaqysy oqý júktemesine, bilim deńgeıine, biliktiliginiń bolýyna, jumys ótiline, magıstr dárejesiniń bolýyna baılanysty esepteledi», - dedi QR AM qarjy jáne búdjettik josparlaý departamentiniń dırektory Ǵalymjan Moldash.
Osy jyly dárigerlerdiń ortasha jalaqysyn 30%-ǵa, 531 myń teńgege deıin, orta medısına qyzmetkerlerine 20%-ǵa, 250 myń teńgege deıin, ulǵaıtý josparlandy.
QR Qarýly Kúshteri áskerı qyzmetshileriniń laýazymdyq jalaqysy 2023 jyly orta eseppen 60%-ǵa artady. Sondaı-aq, QR Qarýly Kúshteriniń arnaıy maqsattaǵy bólimsheleri áskerı qyzmetshileriniń laýazymdyq jalaqysyn 20%-ǵa arttyrý kútilýde. Al polıseılerdiń jalaqysy 10-33% aralyǵynda ósedi.
Sondaı-aq 2023 jylǵy 1 qańtardan bastap órt sóndirýshiler men qutqarýshylardyń jalaqysy 10-70%-ǵa artady.