Buǵan deıin bul synaqtan tek 9-11-shi synyp oqýshylary ǵana ótetin.
Endi olardyń qataryna orta býynnyń besinshi, altynshy, jetinshi, segizinshi synyptary men joǵary býynnyń onynshy synyby qosyldy, dep habarlaıdy Almaty-akshamy.kz 24.kz-ke silteme jasap.
Sóıtip, bastaýyshtan ózge oqýshylar qazaq tilin qanshalyqty biletinin is júzinde kórsetýge tıis.
«Oqýshylardyń tildi meńgerý deńgeıin baǵalaý ǵana emes, oqýshylarymyzdyń oqý saýattylyǵyn damytý jáne tildi úırenýge yntalandyrý. Emtıhannyń qorytyndysy áser etedi . Qorytyndy baǵalaryna áser etedi. Mysalǵa 5 ke oqyp kele jatqan «Altyn belgige» úmitkerler osy aralyq emtıhannan 4 degen baǵa alyp qalsa ol altyn belgige úmitker bola almaıdy», - deıdi orta bilim komıtetiniń bas sarapshysy Gúlsyıla Muzdybekova.
Emtıhan ýaqytyn mektep ákimshiligi belgileıdi. Ol aýyzsha jáne jazbasha ótip, oqýshynyń qazaq tilinde oqý, jazý, tyńdaý men sóıleý daǵdylaryn anyqtaıdy. Emtıhan tapsyrmalaryn synyptyń oqý baǵdarlamasyn negizge ala otyryp muǵalimder daıyndaıdy.
«1 sáýirden bastap osy toqsan bastalǵaly beri daıyndyq sabaqtarynyń kestesin bekitip, daıyndyq jumystaryn bastap kettik. Júrgizilip jatyr. Bizdiń mektepte 1700 balanyń 730 balasy osy aralyq atestattaý emtıhandaryna qatysatyn bolady. Balanyń jas ereksheligine qaraı otyryp, muǵalimder tapsyrmany daıyndap, bilim basqarmasymen qaralyp daıyndalyp, biz bekitýge usyndyq tapsyrmany, 4 nusqadan bolady», - deıdi №8 mektep-lıseıi dırektorynyń oqý isi jónindegi orynbasary Aqmaral Álimqulova.
Emtıhandy qazaq tilinde oqytatyn mektep tek «qazaq tili boıynsha tapsyrsa, al qazaq tilinen basqa tilde oqytatyn mektepter «qazaq tili jáne ádebıeti» boıynsha tapsyrady. Al synaqtan súringen oqýshyǵa ekinshi múmkindik beriledi.