Ulybrıtanıadaǵy jasóspirimder (eń aldymen smartfon ıeleri) arasyndaǵy sıfrlyq táýeldilik juqpaly indet sekildi keń aýqymda taralýda.
Naqtyraq aıtqanda, epıdemıalyq sıpat alyp keledi. Ata-analar men muǵalimder bılikti aǵylshyn mektepterindegi oqýshylardyń smartfon paıdalanýyna shekteýler engizýdi talap etip, dabyl qaǵýda. Bul jaıynda islam.kz portaly techcult aqparat kózine silteme jasaı otyryp málim etedi, dep habarlaıdy Almaty-akshamy.kz.
Aqpan aıyndaǵy brıtandyq mektepterge arnalǵan nusqaýlyqta smartfondy mektep qabyrǵasynda paıdalanýǵa tyıym salýdy, sonyń ishinde oqýshylardan úıde qaldyrýdy nemese synyptaǵy arnaıy shkafta saqtaı turýdy talap etilgen. Bul tarapta arnaıy júrgizilgen saýalnamaǵa qatysqan 2500-ge tarta ata-analardyń 60%-ǵa jýyǵy 16 jasqa tolmaǵan balalar úshin smartfonǵa tyıym salýdy qoldaıdy, bes ata-ananyń tórteýi gadjetti balalaryna zıandy, dep biledi jáne 64%-y mektep qabyrǵasynda smartfondy paıdalanýǵa múldem tyıym salýdy quptaǵan. Tek 20 paıyzy ǵana mundaı tyıymǵa qarsy bolǵan. Qazirgi ýaqytta atalǵan elde balalardyń 97%-y 12 jasqa jetpeı jatyp smartfonǵa ıe bolady eken.