Elimizde jyl saıyn balalarǵa qatysty 2 myńǵa jýyq qylmys jasalady.
Bul týraly arlament Májilisi janyndaǵy qoǵamdyq palatanyń otyrysynda Bala quqyqtary jónindegi ýákil Dınara Zakıeva málimdedi, dep habarlaıdy Almaty-akshamy.kz Qazaqstan.tv-ǵa silteme jasap.
Onyń aıtýynsha, búginde balalarǵa qarsy jasalǵan qylmys sany 18 paıyzǵa artqan. Sondaı-aq, jasóspirimder arasynda da qylmys azaımaı otyr. Qazirgi tańda Prezıdenttiń tapsyrmasyna saı quzyrly organdarmen birlese zań jobasy ázirlenip jatyr.
Memleket basshysy halyqqa Joldaýynda kámeletke tolmaǵandarǵa qatysty zorlyq-zombylyqtyń kez kelgen nysany úshin jazany qatańdatýdy mindettegen bolatyn.
«Kóbine jaýapkershilikti kóbeıtý týraly usynystar tústi. Ata-ana, qylmysker, kúdiktilerge qatysty jaýapkershilikti qatańdatý qaralyp otyr», - deıdi İİM Ákimshilik polısıa komıtetiniń basshysy Qaısar Sultanbaev.