EKU-ǵa otbasylyq juptar da, jeke adam da qatysa alady
Bıyl «Ańsaǵan sábı» baǵdarlamasy boıynsha EKU aıasynda 7 myń kvota bólindi. Bul týraly QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz QazAqparatqa silteme jasap.
«Ańsaǵan sábı» baǵdarlamasy boıynsha EKU aıasynda bólingen kvota sany 7000-ǵa deıin kóbeıdi. Osy oraıda elimizde 20-dan astam tıisti ortalyq bar. Sondyqtan standartqa sáıkes dárigerleri bar, qural-jabdyqtary jasaqtalǵan ortalyqtar baǵdarlamaǵy júzege asyrýǵa qatysyp otyr. Bıylǵa da 7 myń kvota bólindi», - dedi A. Ǵınıat Senattyń jalpy otyrysynan keıin tilshiler suraǵyna jaýap bere otyryp.
Aıta keteıik, bul em-shara terapıalyq jolmen emdeý nátıje bermeıtin bedeýlik dıagnozy qoıylǵan pasıentterge arnalǵan.
EKU-ǵa otbasylyq juptar da, jeke adam da qatysa alady. Mindetti túrde úmitkerdiń erikti jazbasha kelisimi bolýy kerek.
Sondaı-aq, Qazaqstan azamaty bolýy jáne Densaýlyq saqtaý mınıstrligi belgilegen medısınalyq parametrlerge (reprodýktıvti jas – 18-den 42 jasqa deıin, qalypty somatıkalyq jáne endokrındik mártebe, joǵary folıkýlıarlyq rezerv) sáıkes kelýi qajet.
Budan buryn habarlanǵandaı, 2020 jyly Prezıdent «Ańsaǵan sábı» arnaýly baǵdarlamasyn iske qosýdy tapsyrdy.
2022 jyldyń aıaǵynda «Ańsaǵan sábı» baǵdarlamasy aıasynda 6,5 myń áıelge kómek kórsetilgeni habarlandy.
Nátıjesinde 2650 otbasynda 3110 sábı dúnıe esigin ashty.