2024 jyly Almatynyń Alataý aýdanynda 7,5 myń jańa jumys orny quryldy
Alataý aýdany Almatydaǵy eń ındýstrıaldy damyǵan aýdandardyń biri retinde óz pozısıasyn nyǵaıtyp keledi – munda qalanyń jalpy ónerkásip óniminiń úshten biri óndiriledi. 2024 jyly aýdan ekonomıkasyna tartylǵan ınvestısıa kólemi 360 mlrd teńgege jetip, 87,3%-ǵa artqan. Bul týraly Almaty ákimi Erbolat Dosaev Alataý aýdany turǵyndarymen kezdesý barysynda málimdedi.
«2024 jyly belsendi bıznes sýbektileriniń sany 10,2%-ǵa ósti, bul óz kezeginde salyq túsimin 31,1%-ǵa arttyryp, 7,5 myń jańa jumys ornyn ashýǵa múmkindik berdi. 2024 jylǵy bólshek saýda aınalymy 6,9%-ǵa ósip, 536 mlrd teńge boldy, al kóterme saýda aınalymy 2,5 esege artty», – dedi qala ákimi.
Onyń aıtýynsha, ekonomıkanyń belsendi damýynyń nátıjesinde 2024 jyly Alataý aýdanynyń búdjeti shamamen 40%-ǵa ósip, 43,7 mlrd teńgege jetti, al 2025 jyly taǵy 30%-ǵa ulǵaıyp, shamamen 57 mlrd teńgeni qurady.
«2025 jyly Almatyny polısentrlik model boıynsha damytý aıasynda Alataý aýdany úshin basty baǵyttar – áleýmettik nysandardyń jaıaý qashyqtyqtaǵy qoljetimdiligin qamtamasyz etý jáne keńeıtý, ınjenerlik jáne kólik ınfraqurylymyn belsendi damytý, jaıly ómir súrý ortasyn qurý bolyp qala beredi», – dep sózin túıindedi Erbolat Dosaev.