Bıyl merzimdi áskerı boryshyn óteýge Almatydan 3 myń shaqyrylýshy jiberiledi, dep habarlaıdy almaty-akshamy.kz
Óńirlik komýnıkasıalar qyzmeti brıfıńinde Almaty qalasy Almaly aýdany Qorǵanys isteri jónindegi basqarmasynyń bastyǵy polkovnık Aıdar Músirepov búgingi tańda Almatydan 760 er azamat merzimdi áskerı boryshyn óteýge attanǵanyn aıtty.
«Búgingi kúni Almatyda QR Áskerı qyzmet jáne áskerı qyzmetshilerdiń mártebesi týraly zań men Prezıdent jarlyǵyna sáıkes kóktemgi áskerge shaqyrý naýqany júrip jatyr. Bıyl Almaty qalasynan 18-27 jas arasyndaǵy 3 myń azamat áskerı boryshyn óteýge jiberiledi. Olar QR Qarýly kúshteri, UQK Shekara qyzmeti, Memlekettik kúzet qyzmeti, Tótenshe jaǵdaılar mınıstrligi men Ulttyq ulan qataryn toltyratyn bolady. Búgingi kúni 760 almatylyq áskerı boryshyn óteýge attanyp ketti», - dedi Aıdar Músirepov.
Spıker, sondaı-aq, Almatyda kóktemgi áskerge shaqyrý merzimi 1 naýryz – 30 maýsym aralyǵy, al kúzgi shaqyrylym 1 qyrkúıek – 31 jeltoqsan aralyǵynda bolatynyn jetkizdi.