2,6 mıllıonnan astam quqyq buzýshylyqtyń joly kesildi.
Almaty polısıasy osy jyldyń segiz aıynyń qorytyndysy boıynsha qaladaǵy beınebaqylaý júıesin qoldanýdyń tıimdiligin qorytyndylaı kele, osyndaı derekterdi keltirip otyr, dep habarlaıdy aqshamnews.kz Polisia.kz-ke silteme jasap.
Búgingi tańda Almatyda qalalyq beınebaqylaý júıesin naqty ýaqyt rejıminde basqarýǵa, bolyp jatqan oqıǵalarǵa jedel jaýap berýge, sondaı-aq adamdy taný fýnksıalaryn paıdalanýǵa múmkindik beretin biryńǵaı beınebaqylaý platformasy jumys isteıdi. Jalpy alǵanda, júıe jol qozǵalysyn basqarady jáne qaýipsizdik beıneanalıtıkasynyń fýnksıalaryn oryndaıdy. Kórsetilgen beınebaqylaý platformasyna 45976 beınebaqylaý kamerasy ornatyldy. PD-nyń aıtýynsha, beınebaqylaý júıesi, tutastaı alǵanda, qylmyskerlerdiń ustalý qaýpi týraly túsinigin arttyrý arqyly qylmys deńgeıin tómendetedi. Beınebaqylaý kameralarynan alynǵan aqparat qylmystar men quqyq buzýshylyqtardyń aldyn alý, anyqtaý jáne tergeý úshin paıdalanylady.
– Júıeniń engizilýimen qaladaǵy qylmystyq ahýal jaqsardy. Beınebaqylaý júıesi qalany qaýipsiz ári azamattardyń turýyna qolaıly etedi, – dedi, Almaty polıseıleri.