Almatyda prezıdenttiń tapsyrmasy boıynsha 2023 jyldyń basynan beri 53 myń jumys orny quryldy
Almatyda 2023 jyldyń basynan beri 53 myń jumys orny quryldy. Bul Memleket basshysynyń tapsyrmasy boıynsha ulttyq qoǵamdyq senim keńesiniń tórtinshi otyrysynda iske qosylǵan «Jumys oryndaryn qurýdyń óńirlik kartasy» aıasynda jasaldy. Baǵdarlamanyń maqsaty - bos júrgen azamattardy jumysqa ornalastyrý úshin jaǵdaı jasaý.
Aǵymdaǵy jyly osy karta aıasynda Almatyda 53 myń jumys orny, onyń ishinde Ulttyq jobalar boıynsha qurylǵan 16 myń jumys orny, jeke bastamalar aıasynda SHOB sýbektileri – 38 myń jumys orny.
Sonymen qatar, 2023 jyldan bastap Memleket basshysynyń jastardy qarjylandyrýdyń jańa quralyn usyný jónindegi tapsyrmasyn oryndaý maqsatynda Eńbek mınıstrligi jastarǵa shaǵyn nesıe berý jobasyn iske qosty. Jobanyń maqsaty jastardy memlekettik qoldaýmen qamtýdy keńeıtý bolyp tabylady. Mıkrokredıtter óz isin ashý nemese keńeıtý úshin 21 jastan 35 jasqa deıingi jastarǵa, jeke kásipker retinde tirkelgen jaǵdaıda, merzimi 5 jyldan aspaıtyn merzimge beriledi. Almaty qalasy boıynsha jobany iske asyrýǵa 667 kásiporyn úshin 3,3 mlrd. teńge bólindi.
Budan basqa, jańa bıznes-ıdeıalardy iske asyrýǵa 400 AEK-ke deıingi granttardy iske asyrý jalǵastyryldy. Olar halyqtyń áleýmettik osal toptary qataryndaǵy adamdarǵa konkýrstyq negizde usynylady. Mundaı granttardy 188 adam aldy. Grant qarajaty halyqtyń jekelegen áleýmettik sanattaryna jatatyn ózin-ózi jumyspen qamtyǵan jumyssyzdarǵa ózderiniń bıznes-áleýetin iske asyrýǵa, óndiristi jolǵa qoıýǵa jáne damytýǵa, sol arqyly ózderin turaqty tabyspen qamtamasyz etýge múmkindik beredi.
Sondaı-aq, Jumyspen qamtýdyń tıimdi quraly retinde kásipkerlik negizderine oqytý ózin kórsetti. 2022 jyly 3 myńnan astam adam oqydy, onyń 936-sy óz bıznesin ashty. Bul rette kásipkerlik negizderine oqytý jáne kásipkerlik bastamalardyń business.enbek.kz. Biryńǵaı portaly arqyly granttar berý boıynsha bıznes-prosester avtomattandyryldy.
Aıta keterligi, jumys berýshiler usynǵan bos jumys oryndaryna azamattar elektrondyq eńbek bırjasy arqyly óz betinshe jumysqa ornalasa alady.