Bul - Úkimet otyrysynda sóz alǵan QR Ekologıa, geologıa jáne tabıǵı resýrstar mınıstri Serikqalı Brekeshevtiń ýádesi.
Mınıstrdiń aıtýynsha, Aqmola oblysynyń Arshaly jáne Selınograd aýdandarynda jyl saıyn tasqyn qaýpi týyndaýyna antropogendik proses sebepker bolyp otyr, dep habarlaıdy Almaty-akshamy.kz
«Bıyl taǵy 6 sý qoımany qalpyna keltirýdi josparlap otyrmyz. Qalǵan 19-y 2025 jyldyń sońyna deıin qalpyna keltiriledi», - degen mınıstr keıingi jyldary kóktemgi sý tasqynyna tabıǵı jaǵdaılar ǵana emes, antropogendik prosester de túrtki bolyp jatqanyn atap ótti. «Máselen, jyl saıyn sý tasqyny kezeńinde Aqmola oblysynyń Arshaly jáne Selınograd aýdandaryndaǵy Esil jáne Nura ózenderiniń arnasymen Astana sý qoımasynan jiberý kezinde sý basqan arnanyń ótkizý qabiletiniń bolmaýyna baılanysty irgeles aýmaqty sý basý qaýpi týyndaýda. Atalǵan jaǵdaılar Qaraǵandy (Nura ózeni), Soltústik Qazaqstan (Sileti, Esil ózenderi) jáne Qostanaı oblystary (Tobyl ózeni) aýmaǵynda oryn alýda», - dedi ol Úkimet otyrysynda.
Mınıstr osyǵan baılanysty ákimdikterge Aqmola, Qaraǵandy, Qostanaı jáne Soltústik Qazaqstan oblystaryndaǵy problemalyq ýchaskelerde ózen arnalaryn tazartýdy uıymdastyrý kerektigin aıtady. Sondaı-aq, ol jergilikti ákimdikterge komýnaldyq menshiktegi gıdrotehnıkalyq qurylystardyń jaı-kúıine nazar aýdaryp, komýnaldyq menshiktegi sý qoımalaryn tasqyn sýlardy qabyldaýǵa daıyndaý qajettigin eske saldy.