Bıylǵy qys erekshe jyly bolady, dep habarlaıdy Almaty-akshamy.kz.
Sınoptıkter bul múlde anomalıa emes dep otyr.
«Qazaqstanda bıyl qys erekshe jyly bolady. Mundaı qys 20 jyldan asa ýaqyttan beri bolmaǵan. Alaıda, bul múlde anomalıa emes. Konsýltatıvtik-maýsymdyq aýa raıy boljamyna sáıkes, 2023-2024 jyldardaǵy qys 2001-2002 jyldardaǵy qystyń senarıine sáıkes keledi. Iaǵnı jaýyn-shashyn normaǵa jaqyn nemese odan da kóp bolady», – dep atap ótedi Qazgıdrometten.
Mekeme málimetinshe, sýyq kezeńde respýblıka aýmaǵynda Atlantıkalyq aımaqtardan jyly jáne ylǵaldy aýa massalarynyń jıi qozǵalýy kútiledi. Aldaǵy qysta Qazaqstan aýmaǵynda temperatýralyq fon 1-2 gradýsqa joǵary bolady dep boljanǵan. Tek jeltoqsanda Qazaqstannyń basym bóliginde aýa temperatýrasy klımattyq norma sheginde, al eldiń soltústigi men shyǵysynda normadan bir gradýsqa tómen bolatyny kútiledi.