Almatyda halyqaralyq «WHERETOEAT Kazakhstan» premıasynyń saltanatty rásimi ótti.
Almaty Theatre ǵımaratynda «Wheretoeat» halyqaralyq meıramhana syılyǵynyń elimizdegi tuńǵysh saltanatty tabystaý rásimi ótti. Saltanatty rásim barysynda Qazaqstandaǵy úzdik 50 meıramhanasynyń reıtıńi jarıalandy. Sondaı-aq, «Jyldyń bas aspazy», «BAQ tańdaýy», «Qazaq taǵamdarynyń úzdik meıramhanasy» jáne ózge de arnaıy nomınasıalardyń laýreattary marapattaldy.
- «Wheretoeat» meıramhana syılyǵy – álemge áıgili Where Magazines International medıa tobynyń jobasy. Medıa qaýymdastyqtyń eń tanymal ónimi – «Where» jýrnaly. Ol «Where London», «Where Paris», «Where Moscow» sıaqty atpen álemdegi eń úlken qalalarda basylyp shyǵarylady.
Biz bıyl premıany halyqaralyq deńgeıge shyǵaryp, «WHERETOEAT Kazakhstan» syılyǵyn tabystaýdy jón kórdik. Ol úshin 2 aıǵa jýyq jergilikti sarapshylardy izdedik. Sarapshylar qupıa túrde meıramhanalarǵa baryp, olardy baǵalap kórdi. Sarapshylardyń baǵasy negizinde biz reıtıńti jarıaladyq, – dedi «Wheretoeat» premıasynyń atqarýshy dırektor Alekseı Dýdın.
Qazaqstandaǵy úzdik meıramhanalardyń TOP-10 reıtıńi kelesideı boldy:
1. «Ogonók», Almaty;
2. Selfie, Astana;
3. AUYL, Almaty;
4. La Barca Fish & Wine, Almaty;
5. «Afısha», Almaty;
6. RAW, Almaty;
7. «Horoshıı God», Almaty;
8. Percorso, Almaty;
9. Qazaq Gourmet, Astana;
10. Cheeseria, Almaty.
Sondaı-aq, «Qazaq taǵamdarynyń úzdik meıramhanasy» atty arnaıy nomınasıany «Sandyk» meıramhana ıelendi. Úzdik meıramhanalar reıtıńin premıanyń áleýmettik jelilerinen tolyq kórýge bolady. Sharaǵa "Almaty-akshamy.kz" jáne "vecher.kz" saıttary aqparattyq qoldaý kórsetti.
