Oqý-aǵartý birinshi vıse-mınıstri Sholpan Karınova oqý jylynyń aıaqtalýyna baılanysty sońǵy qońyraý sharalaryn ótkizýge eshqandaı shekteý joq ekenin aıtty, dep habarlaıdy Almaty-akshamy.kz QazAqparatqa silteme jasap.
«Oqý-aǵartý mınıstriniń buıryǵyna sáıkes, mektepterde oqý merzimi 2023 jyldyń 31 mamyrynda aıaqtalady.
Mektepter saltanatty shara ótkizý týraly sheshimdi de ózderi derbes qabyldaıdy. Oqý-aǵartý mınıstrligi sońǵy qońyraý ótkizýge qatysty barlyq mektep dástúrlerin qoldaıdy. Sonymen qatar, mınıstrliktiń normatıvti qujattarynda mundaı sharalar buryn bolmaǵan jáne qazir de joq ekenin atap ótsem deımin», - dedi vıse-mınıstr.
Onyń aıtýynsha, bıyl 288 myńnan astam túlek 9-synypty támamdaǵaly otyr.
«Bıyl 18 myńnan astam mektepke deıingi, orta bilim berý, tehnıkalyq jáne kásiptik bilim oshaqtary bıylǵy oqý jylyn aıaqtaýǵa ázirlik ústinde. Bul uıymdarda bıylǵy oqý jylynda 5 mıllıonnan astam oqýshylar men tárbıelenýshiler bilim, tárbıe aldy. Osy jyly 288 myńnan astam túlek 9-synyptardy támamdaýda, olar aldaǵy ýaqytta 10-synypty jalǵastyrý nemese kolejge túsý týraly sheshim qabyldaıtyn bolady. 11-synyptardy barlyq menshik túrindegi mektepter boıynsha 172 myńnan astam túlek bitirýde. Olar endi bolashaq mamandyqtaryn tańdaıdy», - dedi Sholpan Karınova.