Ótinimderdi jınaý 23 tamyzda «Búdjetke qatysý» jobasy boıynsha bastalǵan.
21 qazan men 09 qarasha (qosa alǵanda) aralyǵynda «Búdjetke qatysý» qalalyq jobasy aıasynda Almatyny abattandyrý boıynsha turǵyndardyń usynystary úshin daýys berý ótedi, dep habarlaıdy Almaty-akshamy.kz.
«Búdjetke qatysý» jobasy Almatynyń 8 aýdanynyń árqaısysyna qalalyq búdjetten 800 mln teńgeden (jobanyń jalpy somasy 6,4 mlrd teńge) bólýdi kózdeıdi. Bir jobanyń eń joǵary quny 58,3 mln teńgeden aspaýy tıis.
Daýys berýge almatylyqtardyń 485 bastamasy jiberildi. Eń kóp ótinim Almaly (107), Túrksib (77) jáne Naýryzbaı (68) aýdandaryn abattandyrý boıynsha kelip tústi. Odan keıingi kezekte Alataý (65), Áýezov (47), Jetisý (45), Medeý (41) jáne Bostandyq (35) aýdandary.
Qala turǵyndarynyń jobalarynyń ishinde: avtomatty sýarý júıesi men aýyz sý kolonkalaryn ornatý; qoqysty jer astynda jınaý júıelerin ornatý;
balalar oıyn men sport alańdarynyń qurylysy, ıtterdi erkin serýendetýge arnalǵan alańdar; saıabaqtar men qoǵamdyq oryndardy abattandyrý; joldardaǵy bólý jolaqtaryn kógaldandyrý jáne t.b. bar.
Almaty qalasynda turaqty tirkelgen turǵyndar ǵana tańdaý jasap, unaǵan jobalarǵa daýys bere alady. Yńǵaıly bolý úshin onlaın jáne qaǵaz túrinde daýys berý múmkindigi qarastyrylǵan. Qaǵaz túrinde aýdandyq ákimdikterge nemese Open Almaty front-ofısine (Abaı dańǵyly, 90) baryp daýys berýge bolady.
Onlaın-daýys berý úshin:
1. budget.open-almaty.kz portalynda «Daýys berý» bólimine ótý;
2. unaǵan 3-ten (úsh) artyq emes jobalyq usynysty tańdaý;
3. daýys berýdi rastaýdyń yńǵaıly tásilin tańdaý qajet – ESQ nemese JSN (SMS-kod) arqyly.
Qaǵaz túrinde daýys berý úshin:
1. kez kelgen aýdan ákimdigine (saǵat 09.00-18.00, úzilis saǵat 13.00-14.00) nemese Open Almaty front-ofısine (saǵat 09.00-18.00) barýǵa bolady, ózińizben birge jeke basty kýálandyratyn qujat bolýy qajet;
2. jergilikti jerde berilgen qaǵaz formany toltyrý;
3. toltyrylǵan formany daýys jınaý jáshigine salý qajet.
Jobalyq usynys iske asyrýǵa jiberilýi úshin Almatyda turaqty tirkelgen turǵyndardyń 10-nan astam daýysyn jınaýy tıis. Bir turǵyn 3 (úsh) jobalyq usynysqa ǵana daýys bere alady.
Anyqtama:
«Búdjetke qatysý» pılottyq jobasyn Qazaqstanda alǵash ret 2019 jyly Almaty qalasynyń ákimdigi júzege asyrdy. Qala búdjetin nege jumsaý kerektigin ashyq talqylaý jáne daýys berý arqyly almatylyqtardyń ózderi anyqtady. Qala turǵyndarynyń bastamalaryna Almaty qalasy Qoǵamdyq keńesiniń músheleri, sarapshylar, máslıhat depýtattary, ÚEU ókilderi óz baǵasyn berdi.