«Samuryq-Qazynanyń» qaryzy 7,5 trln teńgeden asady
Májilis otyrysynda depýtat Amanjan Jamalov «Samuryq-Qazynanyń» qazirgi qaryzy 7 jarym trln teńgeden asatynyn aıtty, dep habarlaıdy Almaty-akshamy.kz.
Bul shamamen 18 mlrd dollar. Májilis depýtaty qordyń jumysyn muqıat tekserý qajettigin aıtyp otyr. Sosyn «Samuryqtyń» baılyǵyn elge taratyp berý kerek degen usynysqa da pikir bildirdi.
– Osy kúni qordaǵy qarjyny árbir adamǵa úlestirip berý týraly usynystar aıtylyp jatyr. Bir qaraǵanda, jaqsy ıdeıa. Biraq esepteı kele, «Samuryq-qazynanyń» qazirgi qarjylyq jaǵdaıyndaǵy mundaı úlesten túsetin tabys aıyna bir adamǵa nebári 500 teńgeni quraıdy. Sol sebepti shý kótergenshe, qordyń nelikten bulaı tıimsiz bolyp qalǵanyn jiti zertteý kerek, - dedi QR Parlamenti Májilisiniń depýtaty Amanjan Jamalov.