Qazaqstandyqtardyń jemqorlyqqa degen kózqarasy qandaı?
Transparency International halyqaralyq jemqorlyqqa qarsy qozǵalysy bıylǵy «Jemqorlyqty qabyldaý ındeksi» atty zertteýdiń qorytyndysyn jarıalady, dep habarlaıdy Almaty-akshamy.kz Elorda.info saıtyna silteme jasap.
Reıtıńte Qazaqstan 100 baldyń ishinen 37 bal jınap, 180 orynnyń ishinen 102-orynǵa jaıǵasty. Gambıa men Shrı-Lanka da sondaı bal jınaǵan.
Byltyr Qazaqstan 94-orynǵa taban tiregen bolatyn.
Jemqorlyqty qabyldaý ındeksi degenimiz – ártúrli elderdiń memlekettik sektorynda jemqorlyqqa degen kózqaras deńgeıin ólsheıin ındeks. Ol 1995 jyldan beri jyl saıyn shyǵyp turady jáne búginde qoǵamdyq sektordaǵy jemqorlyqty baǵalaý úshin keńinen qoldanylatyn qural bolyp keledi.
Transparency International uıymy bul ındeksti álem boıynsha táýelsiz uıymdar usynatyn sarapshylyq baǵalaýlar negizinde qurastyrady. Onda memleketter 0 men 100 bal arasyndaǵy shkala boıynsha tizimdeledi, bul jerde 0 jemqorlyqty qabyldaýdyń joǵary deńgeıin bildirse, 100 eń tómen deńgeıin bildiredi.