Aqtóbe garnızonynyń áskerı soty asa iri kólemde búdjet qarajatyn jymqyrǵan áskerı qyzmetshige qatysty úkim shyǵardy.
Anyqtalǵandaı, sottalýshy qarjy qyzmeti bóliminiń bastyǵy qyzmetin atqarǵan, dep habarlaıdy Almaty-akshamy.kz.
«Ol basqarmanyń birinshi basshysynyń ESQ kiltin aýystyryp qoldaný arqyly, óziniń banktik esepshotyna búdjet qarajatynan birneshe ret zańsyz aqshalaı aýdarymdar jasaǵan. Zańsyz alynǵan búdjet qarajatyn sporttyq básterge tikken. Nátıjesinde, memleketke 23 mıllıon teńgeden astam shyǵyn keltirgen», dedi áskerı sot.
Birinshi satyly sottyń úkimimen áskerı qyzmetshi áskerı ataǵynan aıyryp, oǵan 6 jyl merzimge bas bostandyǵynan aıyrý túrindegi jaza taǵaıyndaldy. Sonymen qatar memleket kirisine prosesýaldyq shyǵyndar men jábirlenýshilerdiń ótemaqy qoryna májbúrli tólem óndirilgen.
Sottalýshy kinásin tolyǵymen moıyndap, keltirilgen zalaldy tolyǵymen ótedi. Sot úkimi zańdy kúshine endi.