2024 jyldyń 12-14 naýryzynda Almatyda jańbyr túrinde jaýyn-shashyn jaýyp, arty silbi qarǵa ulasady.
Túngi jáne tańǵy ýaqytta qalanyń taý bókterindegi aýdandarda kóktaıǵaq bolýy múmkin, dep habarlaıdy Almaty-akshamy.kz.
Sondyqtan avtokólik júrgizýshilerinen túngi jáne tańǵy ýaqytta qalanyń taýly aımaǵynda qozǵalys jyldamdyǵyn báseńdetýdi suraımyz.
320 jumysshy men 89 birlik arnaıy tehnıka aryq jelilerin, aryq ótkelderi men qoqys tógilgen «oıyq jerge» tazalaý jumysyn júrgizýde. 12 naýryzdaǵy jaǵdaı boıynsha 560 tonna qoqys, laı men muz shyǵaryldy. Kúndizgi ýaqytta barlyǵy 465 birlik arnaıy tehnıka men 1020 jumysshy jol jıegindegi tazartý jumysyn júrgizýde.
Sý basýdyń aldyn alý men problemalyq ýchaskelerdegi sýdyń kedergisiz ótýin qamtamasyz etý úshin jaýyn-shashyn kezinde motopompa jáne shans quraldarymen jabdyqtalǵan 52 mobıldi jedel brıgadanyń kezekshiligi uıymdastyrylady. 2 myńnan astam qumǵa toly qap daıyndaldy.
Qalalyq Ekologıa jáne qorshaǵan orta basqarmasy málimdegendeı, qalanyń jekelegen bólikterindegi sý basýdyń negizgi faktory aryq jelisiniń aınalyp ótýi, sý burý kolektorlarymen qosylmaýy, jańbyr men erigen sýdyń tabıǵı aǵyp ketýine kedergi keltiretin eniske qarsy ýchaskelerdiń bolýy.
2022 jyly kóktemde júrgizilgen zertteý jumysynyń nátıjesi boıynsha Almaty qalasynyń aýmaǵynda eń jıi sý basatyn 102 ýchaske anyqtaldy. Sonyń ishinde eń qaýipti 56 jáne joǵary qaýipti 46 ýchaske bar. 2022-2023 jyldary sý tasqynyn joıý úshin qoldanystaǵy 13 kolektor (11,8 km), 3 kanal (9,4 km) qalpyna keltirilip, qosymsha 6 kolektor (7,1 km), 6 kanal (6,6 km) men 100 km-den astam aryq jelileriniń qurylysy júrgizildi. Kireberister qaıta qurylyp, perspektıvalyq sý burý jelilerine qosyldy. Sondaı-aq 3 ózen arnasynyń jaǵalaýyn nyǵaıtý boıynsha jumystar júrgizildi (Oıjaılaý ózeni, Boraldaı ózeniniń sol sheti, Qarasý ózeni).
Búginde 417 kóshede (100 km qurylys pen 276 km qaıta qurý) jalpy uzyndyǵy 376 km aryq jelilerin salý men rekonstrýksıalaý boıynsha 3 joba (batys, ortalyq, shyǵys baǵyttarynda) aıasynda qurylys-montajdaý jumystary jalǵasýda. Jalpy uzyndyǵy 103,5 km bolatyn 194 ýchaskedegi jumystar aıaqtaldy. 22 ýchaskede qurylys-montajdaý jumysy júrgizilýde.
«2021-2023 jyldarǵa arnalǵan sý tasqynyna qarsy is-sharalar kesheni» jol kartasy aıasynda Almatyda jalpy uzyndyǵy 21 km-den asatyn 4 ózen arnasynyń jekelegen ýchaskeleri: Kishi Almaty, Tiksaı, Esentaı men Jarbulaq qaıta jańǵyrtyldy. Selden qorǵaý bógetinen №1 tundyrǵyshqa deıin uzyndyǵy 5,5 km bolatyn Úlken Almaty ózeni arnasynyń ýchaskesin rekonstrýksıalaý jumysy 2024-2025 jylǵa josparlanyp otyr. Qazirgi ýaqytta bul jobanyń JSQ-sy daıyn. Budan bólek búginde Qonaev atyndaǵy ÚAK, Sapojnıkov, Esentaı, Qarǵaly ózenderi boıynsha JSQ ázirlenýde.
