Sońǵy aptada krıptovalúta quny 66 myń dollarǵa deıin ósken, habarlaıdy almaty-akshamy.kz
Keıbir sarapshylar bıtkoın baǵasy 200 myń dollarǵa deıin jetedi dep boljaıdy. Bıtkoın kún saıyn qymbattap jatyr. Keshe onyń quny 66 myń dollarǵa deıin jetti. Krıptovalúta jaıly jańalyqtardan keıin «arzan kezinde alý kerek edi» degen pikirler kóbeıdi.
Biraq bıtkoınnyń qymbattaǵanyna qarap, ony satyp alýǵa asyqpańyz deıdi sarapshy. Óıtkeni sıfrlyq aktıv kúnde qubylady. Sondyqtan naryqtyq táýekeldi árdaıym eskerý kerek.
Eger siz kásibı treıder bolmasańyz, krıptovalútaǵa ınvestısıalaýdyń aldynda osy naryqty zerttep alǵan jón. Al eger esh nársege qaramaı osy sıfrlyq aktıvke qarjy quıamyn dep sheshseńiz, mamandardyń keńesine qulaq salyńyz.
Aıta keteıik, qazir «Astana» halyqaralyq qarjy ortalyǵynda resmı túrde tirkelgen eki krıptobırja, bir halyqaralyq brokerlik kompanıa jumys isteıdi.