Búgin Qazaqstanda atom elektr stansasynyń qurylysyna qatysty respýblıkalyq referendým ótýde. Bishkekte Qazaqstannyń Qyrǵyz Respýblıkasyndaǵy Elshiligi ǵımaratynda ornalasqan № 396 saılaý ýchaskesi Astana ýaqytymen tańǵy saǵat 6:00-de (jergilikti ýaqyt boıynsha 7:00) óz jumysyn bastady, dep habarlaıdy Kazinform agenttigine silteme jasap.
Referendým ótetin orynnyń saltanatty ashylý rásimin saılaý komısıasynyń músheleri men qazaqstandyq dıplomattar uıymdastyrdy. İs-shara Qazaqstan Respýblıkasynyń Ánuranymen bastaldy.
Elshiliktiń málimetinshe, saılaýshylar tiziminde Qyrǵyzstanda jeke, resmı, bilim berý, iskerlik jáne týrısik maqsatta turatyn nemese júrgen 300 qazaqstandyq azamat bar, olardyń basym bóligi konsýldyq esepte tur.
Daýys berý saǵat 20:00-ge deıin jalǵasady, odan keıin ýchaskelik komısıa músheleri daýystardy sanaýǵa kirisedi. Osy ýaqyt aralyǵynda elimizdiń azamattary konstıtýsıalyq quqyǵyn júzege asyryp, óz tańdaýyn jasaı alady.