Áleýmettik jelilerde eks-sheneýniktiń túrmeden qashqany týraly aqparat jeldeı esip, tipti burynnan beri bostandyqta ekeni nemese shetelde júrgeni týraly boljamdar paıda bola bastady.
Alaıda QAJK sottalýshynyń qashyp ketkeni týraly aqparatty joqqa shyǵardy, dep habarlaıdy aqshamnews.kz
Orda.kz-tiń jazýynsha, quqyq qorǵaýshy Baýyrjan Mýsın Qýandyq Bıshimbaevtyń Arshaly túrmesinde bir kún de bolmaǵanyn aıtqan.
Eks-mınıstrdiń «jumbaq joǵalýy» týraly AIRAN aqparattyq resýrsynyń jýrnalıseri habarlady. Olardyń málimetinshe, sottan keıin Bıshimbaev Arshaly aýylyna jaqyn kolonıaǵa jiberilýi kerek bolǵan. Telearnanyń túsirilim toby jaqynda sottalýshynyń rasymen sol jerde bar-joǵyn tekserýge baryp ony taba almaǵan.
«Bul sottalýshy maksımaldy qaýipsizdik mekemesinde jazasyn ótep jatyr. Jalǵan aqparat taratý faktisi boıynsha qylmystyq is qozǵalǵanyn jáne kináliler jaýapkershilikke tartylatynyn habarlaımyz»,-dep málimdedi QAJK.
«Ol Stepnogorsk qalasynyń №5 mekemesinde, tórtinshi otrádta otyr. Bizdiń elimizde jazany óteý ornyn mekemeniń tolymdylyq deńgeıine qaraı tańdaıdy. Adamnyń qaı jerde otyratyny tek onyń týystaryna ǵana aıtylady, QAJK bul týraly qoǵamǵa habarlaýǵa mindetti emes»,-dedi Baýyrjan Mýsın.
Keıbir derekkózder jalǵan aqparat taratý faktisi boıynsha qylmystyq is qozǵalǵanyn habarlaıdy, biraq resmı derekkózder bul aqparatty ázirge rastaǵan joq.