Túlkibas-Arys ýchaskesinde birneshe vagon relsten shyǵyp ketkeni belgili boldy. "Jolaýshylar tasymaly" AQ baspasóz qyzmeti atalǵan ýchaskedegi jaǵdaı týraly pikir bildirdi, - dep habarlaıdy almaty-akshamy.kz.
25 maýsymda saǵat 19:20-da Túlkibas-Arys ýchaskesinde Meńlibaı-Kókterek ýchaskesinde júk poıyzy vagondary relsten shyǵyp ketti. Qurbandar men zardap shekkender joq. Oqıǵanyń vıdeosy áleýmettik jelide tarady.
"Jolaýshylar tasymaly" AQ baspasóz qyzmeti Túlkibas-Arys ýchaskesinde poıyz qozǵalysy qalpyna kelgenin habarlady.
"Júk vagondary relsten shyǵyp ketken Túlkibas – Arys ýchaskesinde poıyzdardyń qozǵalysy ashyq. Keshikken poıyzdardyń jolaýshylary tamaq jáne aýyz sýmen qamtamasyz etildi. 5 avtobýs uıymdastyrylyp, 492 jolaýshy shyǵaryldy. Saldardy joıýǵa úsh qalpyna keltirý poıyzy men 100-den astam temirjolshy jumyldyryldy. Kompanıa jolaýshylardan qolaısyzdyqtar úshin keshirim suraıdy jáne poıyzdardyń keshigý ýaqytyn qysqartý úshin qoldan kelgenniń bárin jasaıdy", – dedi baspasóz qyzmeti.