Kólik urlaǵan adam buǵan deıin de osyǵan uqsas qylmystarmen aınalysqan
Birneshe ret sottalǵan Almaty qalasynyń turǵyny bireýdiń kóligin aıdap ketti, dep habarlaıdy Almaty-akshamy.kz Polisia.kz-ke silteme jasap.
Ury qalanyń Áýezov aýdanynda ustaldy. Polısıanyń málimetinshe, jergilikti turǵyn polısıa basqarmasyna júgingen, ol 8 qyrkúıekte skaner kómegimen avtokóliktiń dabylyn ashyp, óziniń «Toıota Lend Krýzer Prado» kóligin urlaǵan belgisiz adamdarǵa shara qoldanýdy surady. Keltirilgen shyǵyn kólemi anyqtalýda.
«Bul fakt QR QK-niń 188-baby 4-bóligi 3-tarmaǵyna sáıkes kózdelgen qylmys boıynsha sotqa deıingi tergeýdiń biryńǵaı tizilimine tirkeldi. Qajetti tergeý-jedel is-sharalary barysynda qylmystyq izdestirý qyzmetkerleri osy qylmysty jasady degen kúdikpen 36 jastaǵy Jambyl oblysynyń týmasyn ustady. Ol buryn birneshe ret osyǵan uqsas qylmystar jasaǵany úshin sottalǵan», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Joǵaryda atalǵan azamat birneshe ret sottalǵandyqtan, Jambyl oblysynda probasıalyq baqylaýda turǵandyǵy anyqtaldy. Polısıa qyzmetkerleri bul adamnyń qalada osyǵan uqsas basqa da qylmystarǵa qatystylyǵyn tekserýde. Ustalǵan adam polısıa departamentiniń ýaqytsha ustaý ızolátoryna qamaldy, tergeý jalǵasýda.