Ótken jyly 92 úıge aqysyz gaz jetkizildi
Qalalyq energotıimdilik jáne ınfraqurylymdyq damý basqarmasynyń basshysy Evgenıı Pak Almatyda áleýmettik jaǵdaıy tómen 100 otbasyǵa tegin gaz beriletinin aıtty, dep habarlaıdy Almaty-akshamy.kz QazAqparat saıtyna silteme jasap.
Almaty qalalyq energotıimdilik jáne ınfraqurylymdyq damý basqarmasynyń basshysynyń aıtýynsha, halyqtyń áleýmettik osal tobynyń turǵyn úıin gazdandyrý jumystary ótken jyly da júrgizildi.
«Byltyr 92 úıge gaz aqysyz jetkizildi. Bıyl 100 áleýmettik jaǵynan osal otbasylardyń úıin gazǵa tegin qosý josparlanyp otyr», - dedi Evgenıı Pak.
Buǵan deıin spıker Almaty qalasy jylytý maýsymyna 100 paıyz daıyn ekenin aıtqan bolatyn.