Amerıkalyq Pýrdú ýnıversıtetiniń ǵalymdary osyndaı qorytyndyǵa kelgen.
Bul jaıynda islam.kz portaly CNN aqparat kózine silteme jasaı otyryp málim etken, dep habarlaıdy aqshamnews.kz
Sarapshylar bul baǵyttaǵy zertteýdi klımattyń ózgersiniń modeline jáne málimetteri negizinde júrgizdi. Ǵalymdar temperatýra men ylǵaldylyqtyń birte-birte joǵarylaýynan álemniń keıbir aımaqtarynyń adamzat úshin qaýipti ári tirshilikke qolaısyz óńirlerge aınalatynyn alǵa tartyp otyr. Dáliregi, joǵaryda atalǵan aımaqtardyń qaterli ólkelerge aınalýynyń eń basty sebebine halyqtyń tyǵyz ornalasýyn jatqyzyp otyr.
Bul aımaqtarda, tipti, túngi temperatýra da qolaısyz deńgeıden túspeıtindikten adam organıziminiń qalpyna kelý prosesin tejeıtin bolady. Sonyń ishinde júrek-qan tamyr aýrýlary órshıdi. Alekseı Kokorın esimdi reseılik klımatolog klımat daǵdarysynyń eń nashar senarıi boıynsha 21 ǵasyrdyń sońyna qaraı shamamen úsh mıllıard adam, ıaǵnı, planeta halqynyń 30 paıyzy turǵylyqty jerin ózgertýge májbúr bolatynyn málimdegen edi. Dese de planeta halqynyń bir bóligi aýyz sý tapshylyǵyna baılanysty týǵan jerlerin tastap ketýge, ıaǵnı, ózge óńirlerge qonys aýdarýǵa májbúr bolady.