QR ASHM Jaıyq-Kaspıı oblysaralyq baseındik balyq sharýashylyǵy ınspeksıasyna Atyraý oblysynyń Jylyoı aýdanyndaǵy «Teńiz-Novorossıısk» munaı qubyrynyń 64-shi jáne 72-shi shaqyrymynda balyq qyrylyp jatqany týraly aqparat kelip túsken.
Balyq resýrstary men basqa da sý janýarlarynyń qaýip-qateri jáne (nemese) qyrylýy anyqtalǵan kezde ózara is-qımyl sqemasyna sáıkes barlyq múddeli memlekettik organdar habardar etildi, dep habarlaıdy aqshamnews.kz.
Aýyl sharýashylyǵy mınıstrliginiń málimetinshe, komısıa shabaqtardyń qyrylǵan jerine bardy, aqparat rastaldy. Jınalǵan shabaqtardyń salmaǵy 127 kılogramm.
Atyraý oblysy boıynsha ekologıa departamenti zerthanalyq zertteýler úshin sý synamalaryn aldy. Shabaqtardyń qatty ydyraýyna baılanysty, balyqtyń qyrylý sebepterin anyqtaý úshin synama alý múmkin bolmady.
Kóktemgi sý tasqyny saldarynan Jem ózeni arnasynan asyp, shabaqtar ózen sýymen taıaz oıyqtarǵa jınalǵan.
Balyq shabaqtary qyrylýynyń boljamdy sebebi sýda otteginiń jetispeýshiligi.
Jergilikti atqarýshy organdarmen birlesip, sanıtarlyq normalardy saqtaı otyryp, qyrylǵan balyq shabaqtaryn jınaý boıynsha jumys júrgizildi.