Bas prokýratýra men Qarjy monıtorıńi agenttiginiń qyzmetkerleri Birikken Arab Ámirlikterinen zańsyz oıyn bıznesin uıymdastyrǵany úshin qylmystyq jaýapkershilikke tartý úshin Qazaqstan azamatyn ekstradısıalady, dep habarlaıdy aqshamnews.kz.
Kúdikti 2023-2024 jyldar aralyǵynda Atyraý oblysynda býkmekerlik keńse túrindegi zańsyz oıyn bıznesin uıymdastyryp, nátıjesinde 21 mln teńge kóleminde paıda tapqan. Qylmys jasaǵannan keıin kúdikti jasyrynyp, halyqaralyq izdeýge jarıalandy. Osy jyldyń tamyz aıynda ol Abý-Dabı qalasynyń aýmaǵynda ustalyp, keıinnen Qazaqstan Respýblıkasyna ekstradısıalandy.
Aıta ketý kerek, ol buryn osyndaı qylmys jasaǵany úshin sottalǵan. Qazirgi ýaqytta kúdikti Astana qalasynyń tergeý ızolátoryna qamaldy.
Aıyptalǵan qylmys jasaǵany úshin múlki tárkilenip, 4 jyldan 7 jylǵa deıingi merzimge bas bostandyǵynan aıyrý jazasy qarastyrylǵan.