58 myńnan astam adam Pfizer vaksınasyn saldyrdy.
Almatyda bir táýlik ishinde 609 adam KVI-ǵa qarsy vaksına aldy. Onyń ishinde 1-shi komponentin 172 adam, 2-shi komponentin 437 adam saldyrdy, dep habarlaıdy Almaty-akshamy.kz.
«Ótken jyldyń 1 aqpany men bıylǵy jyldyń 13 naýryzy aralyǵynda qalada 1 150 110 turǵyn vaksınanyń birinshi komponentin, 1 112 300 adam ekinshi komponentin saldyrǵan», - delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.
Búgingi tańda Pfizer vaksınasyn 58 696 adam saldyrdy. Onyń ishinde 3 351 júkti áıel, 12 867 bala emizetin ana jáne 42 369 jasóspirim bar.
263 632 qala turǵyny revaksınalaýdan ótti.
«Búgingi tańda qalada medısına mekemelerinde 137 vaksınalaý pýnkti jumys isteıdi. 175 vaksınalaý brıgadasynda 555 medısına qyzmetkeri jumyldyryldy», - delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.