Búgingi kúnge deıin ekpeniń tolyq dozasyn alǵandardyń jalpy sany 298 003 adamǵa jetken. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Almaty-akshamy.kz.
"29 maýsym kúni 12 275 almatylyq vaksına saldyrdy. Bıylǵy jyldyń 1 aqpany men 29 maýsymy aralyǵynda qalada vaksınanyń tolyq dozasyn 298 003 adam aldy. Vaksına alǵandardyń ishinde 76 660 adam - 60 jastan asqan qarıalar" - dep habarlady basqarma.
Qalada 208 egý pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi tańda medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksına salý pýnktteri jumys isteıdi», - dep naqtylady densaýlyq saqtaý basqarmasynyń baspasóz qyzmeti.
Qala boıynsha vaksınanyń qaldyǵy – birinshi komponenttiń 54 680 dozasy jáne ekinshi komponenttiń 109 491 dozasy bar. Aıta keteıik, 26 maýsym kúni Almatyǵa QazVac vaksınasynyń 1 jáne 2 komponentiniń 9 000 dozasy jetkizildi.