Qazaqstanda «Bir kúndik klınıka» jobasy sátti júzege asyrylýda. Bul bastama áıelderge «bir tereze» qaǵıdaty boıynsha bir kún ishinde sapaly prenataldy dıagnostıka jáne tekserý nátıjelerin alýǵa múmkindik beredi, dep habarlaıdy aqshamnews.kz
Joba alǵashynda pılottyq rejımde birneshe óńirde bastalyp, búginde búkil el aýmaǵyna taratyldy. Onyń basty artyqshylyǵy – týa bitken kinárattar men hromosomalyq patologıalardy erte anyqtaý. Qazirgi tańda bul múmkindikti 40 myńnan astam áıel paıdalandy.
Jobanyń negizgi maqsaty – júkti áıelderge joǵary sapaly qyzmet kórsetip, bolashaq ana men bala densaýlyǵyn qorǵaý. 2025 jyldyń 1 qańtarynan bastap, joba elimizdiń barlyq óńirinde turaqty túrde iske asyrylady.