2025 jyldyń 10 qańtarynda AQSH Qarjy mınıstrligi Reseıge qarsy eń qatań sanksıalar paketin jarıalady. Bul shekteýler Reseıdiń munaı kiristerine baǵyttalyp, eldiń munaı-gaz sektoryndaǵy negizgi oıynshylardy, sondaı-aq reseılik munaıdy tasymaldaıtyn 180-nen astam kemeni qamtıdy, dep habarlaıdy aqshamnews.kz.
Sanksıalyq tizimge «Gazpromneft», «Sýrgýtneftegaz» jáne olardyń enshiles kompanıalary, sonyń ishinde munaı óńdeý zaýyttary men munaı óndirýshi kásiporyndar kirdi. Olardyń qatarynda Máskeý jáne Omby MÓZ-deri, «Gazpromneft-Noıabrskneftegaz», «Gazpromneft-Orenbýrg» jáne basqalary bar. Shekteýler «Gazprom nefttiń» Qazaqstan, Tájikstan, Qyrǵyzstan, Serbıa (NIS) jáne Lúksembýrgte tirkelgen Gazprom Neft International sheteldik qurylymdaryn da qamtydy.
Sanksıaǵa «Rosnefteflot» kompanıasyna tıesili, uzyndyǵy 250 metr, júk kóterimdiligi 114 myń tonna bolatyn «aframaks» klasty munaı tankeri de ilikti. Bul keme shıki munaı jáne suıyq júkterdi tasymaldaýǵa arnalǵan.
Bul tanker 2020 jyldyń 6 shildesinde Reseıdiń «Zvezda» keme jasaý kesheninde Qazaqstannyń tuńǵysh prezıdentiniń 80 jyldyǵyna oraı salynǵan. Nazarbaevtyń esimi tankerge Reseı úkimetiniń Qazaqstan men Reseı arasyndaǵy qarym-qatynasty damytýǵa qosqan úlesin moıyndaýy retinde berilgen.