Onyń ishinde tórteýi – balalar
Bul týraly TJM baspasóz qyzmeti habarlady, dep jazady Almaty-akshamy.kz. 8 naýryzda Semeıde tórt bala gazdan ýlanyp qaldy.
Aqparatqa sáıkes, jeke turǵyn úıde qatty otynmen jylytý peshin paıdalaný erejeleri buzylǵandyǵy anyqtaldy. 4 jáne 5 jastaǵy eki bala dárigerlerdiń tekserisinen soń úılerine qaıtarylǵan.
Al, 11 jáne 7 jastaǵy balalar ýly gazdan ortasha dárejede ýlanyp, qaladaǵy "Búırek ortalyǵy" mekemesine toksıkologıa bólimshesine jatqyzyldy.
TJM málimetinshe, ýlaný deregi SQO-da da tirkeldi.
"Soltústik Qazaqstan oblysynda 8 naýryz kúni saǵat 02:52-de Ǵ.Músirepov atyndaǵy aýdannyń ortalyq aýrýhanasyna Novoıshımskoe aýylyndaǵy kóp páterli turǵyn úıdegi jaldamaly páterde turatyn 1976 jyly týǵan áıel men 1977 jyly týǵan er adam jatqyzyldy. Búginde olar aýrýhanadan úılerine shyǵaryldy. Páterdi tekserý kezinde jylytý peshiniń murjasy kúıege toly ekendigi anyqtaldy. Pesh durys tartpaǵandyqtan, ýly gaz bólmege taralǵan. Budan basqa pesh pen murjada jaryqtar bolǵan", - delingen habarlamada.
Bul derek boıynsha turǵyn úı ıesi aıyppul sanksıalaryn kózdeıtin QR ÁQBtK-niń 410-baby 3-bóligi boıynsha ákimshilik jaýapkershilikke tartyldy.