Kórme barlyq túrki halyqtaryna olardyń ortaq muralary bar ekenin eske salady
Almatydaǵy Memlekettik ortalyq mýzeıi men AQSH-tyń Qazaqstandaǵy elshiligi jáne Halyqaralyq Qazaq ǵylymı-zertteý mádenıet ınstıtýty (HQǴZMI) birigip uıymdastyrǵan AQSH elshisiniń mádenı murany saqtaý jónindegi qory (AFCP) qarjylandyratyn "VI-XIV ǵasyrlardaǵy kóne túrki jáne kóne uıǵyr dáýiriniń jazbasha órkenıeti" kórmesin ashty, dep habarlaıdy Almaty-akshamy.kz.
AQSH-tyń Qazaqstandaǵy mısıasy osy joba arqyly Eski álemniń eń kóne jazbasha órkenıetteriniń biri - ejelgi túrki rýnalaryn taýyp, osy aımaqtaǵy túrki halyqtarynyń baı mádenı murasyn zertteý. AQSH elshisiniń mádenı murany saqtaý qory – búkil álem boıynsha mádenıet pen murany saqtaýǵa qoldaý kórsetetin jahandyq baǵdarlama bolyp tabylady.
Kórmeniń resmı ashylýynda QR Ortalyq mýzeı dırektorynyń orynbasary Ǵalıa Temirton, AQSH-tyń Almaty qalasyndaǵy Bas konsýly Kerolaın Sevıdj, joba keńesshisi, tarıh ǵylymdarynyń kandıdaty, dosent, arheolog Alekseı Rogojınskıı, «Ostrov Krym» ǵylymı-restavrasıalyq zerthanasynyń negizin qalaýshy, túrki jazýynyń eskertkishterin qalpyna keltirgen belgili ǵalym, restavrator Qyrym Altynbekov zertteý tobynyń múshesi, uıǵyrtanýshy, profesor, tarıh ǵylymdarynyń doktory Ablet Kaıýmovıch sóz sóıledi.
Kórme aıasynda belgili rejıser jáne senarıst Alekseı Vladımırovıch Kamenskııdiń "Taǵdyr jazýlary" (2023 j.) derekti fılminiń tanystyrylymy mýzeı kınozalynda ótti.
Jobanyń zertteý tobynyń músheleri belgili túrkitanýshylar men uıǵyrtanýshylar – tarıh ǵylymdarynyń doktory, profesor Nápil Bazylhan, f.ǵ.d, profesor Aleksandr Nıkolaevıch Garkaves, t.ǵ.d., profesor Ablet Kaıýmuly Kamalov, f.ǵ.k, qaýymdastyrylǵan profesor Rýslan Uıǵuruly Arzıev jáne t.b.
Uıymdastyrýshylar bul kórme ejelgi túrkilerdiń ata-babalarynyń biregeı jazbasha órkenıeti týraly jalpy jurtshylyqtyń túsinigin tereńdetip, barlyq túrki halyqtaryna olardyń ortaq muralary bar ekenin eske salady dep úmittenedi.
