Meksıkada selfı jasamaq bolǵan áıel poıyzǵa soqtyǵysyp, mert boldy, dep habarlaıdy almaty-akshamy.kz.
2014 jyldan 2023 jylǵa deıin toǵyz jyl ishinde 49 elde selfı jasaýǵa tyrysqan 399 adam qaza taýypty. Qurbandardyń kóbi Úndistanda tirkelgen. Munda selfı úshin 190 adam qaza tapqan.
2022 jyldyń shildesinde Radjasthannyń soltústik-batys provınsıasyndaǵy Tarıhı Fort-Amberdiń kúzet munarasyna shyǵyp, selfı jasamaq bolǵan on bir adamǵa naızaǵaı túsip, mert boldy. Oqıǵa mýson naızaǵaıy soqqan kezde oryn alǵan.
AQSH ekinshi orynda-29 ólim. Úshinshi orynda - Reseı. Munda 18 adam qaza tapqan.
Qytaılyq Hýan Lıhýnnyń ólimi álemdegi eń soraqy ólim bolyp esepteledi. Ol áleýmettik jelidegi dostaryn tańqaldyrǵysy kelip, Indonezıadaǵy Ilın janartaýynyń týra ishine qulap ketken.
Mundaı oqıǵalar elimizde de oryn alyp jatyr.
Eske sala ketsek, Almatyda qurylystyń tóbesine shyqqan jasóspirimder polısıaǵa jetkizilgeni týraly jazǵan bolatynbyz.
Jalpy, 16 men 25 jas aralyǵyndaǵy qyz balalar aptasyna selfı jasaýǵa bes saǵatty jumsaıdy eken. Al orta eseppen álemde kúnine 93 mıllıon selfı túsiriledi. Onyń qanshasy jazym bolatyny belgisiz. Úndistannyń ǵylymı medısınalyq ınstıtýtynyń zertteýinshe, bes jyldyń ishinde álemde 259 adam selfıden qaıtys bolady. Negizinen 30 jasqa tolmaǵan jastar eken. Sýretke kóp túsetin qyz-kelinshekter bolǵanymen, qaza tapqannyń 72 paıyzy – er-azamattar. Oqys jaǵdaı kóp tirkelgen elder – Reseı, AQSH jáne Pákistan. Bul zertteýshilerdiń alty jyl burynǵy kórsetkishi. Odan beri ólim sany kóbeımese, eshteńe ózgergen joq.