Memleket basshysynyń tapsyrmasy sheńberinde prokýratýra organdary turaqty túrde ınvestısıalyq jobalardy súıemeldeýdi júrgizýde.
Mysaly, Almaty qalasynda ınvestısıa somasy 1,2 mlrd teńgeni quraıtyn jáne 250 jumys ornyn ashqan «Qulpynai Production» JSHS-niń «Kondıterlik jáne nan-toqash ónimderin óndirý jónindegi óndiristik kesheni» ınvestısıalyq jobasy iske asyrylýda, dep habarlaıdy Almaty-akshamy.kz.
Alaıda Almaty qalasynyń Qalalyq josparlaý jáne ýrbanıstıka basqarmasy ınvestorǵa nysannyń qurylysyna sáýlet-josparlaý tapsyrmasyn berýden zańsyz bas tartqan.
Atap aıtqanda, ótinishti qaraý kezinde ýákiletti organ zańnamaǵa sáıkes qosymshasy talap etilmegen qujattardyń (ınjenerlik komýnıkasıalar jóninde saýalnama paraǵy) joqtyǵyna silteme jasaǵany.
Alataý aýdany prokýratýrasynyń engizgen narazylyǵyn qaraý nátıjesi boıynsha ýákiletti organnyń sheshimi joıylyp, ınvestorǵa ruqsat qujaty berildi.
Investorlardyń quqyqtaryn qorǵaý jumysy erekshe baqylaýda.
Eger Siz ınvestor bolsańyz jáne jobańyzdy iske asyrýda problemalar týyndasa, onda Siz prokýratýra qyzmetkerimen baılanysyp, kásipkerler men ınvestorlardyń quqyqtaryn qorǵaý jóninde Call-ortalyǵy arqyly (baılanys nómiri +77017755500 nemese QR-kod) nemese Almaty qalasy prokýratýrasynyń Front-ofısinen (Jeltoqsan kóshesi, 189) quqyqtyq keńes ala alasyz.