Bul - sońǵy jyldardaǵy eń joǵarǵy kórsetkish.
Bıylǵy jyldyń birinshi toqsanynda qazaqstandyqtardyń shyǵyndary birden 16,7%-ǵa ósip, jan basyna shaqqanda rekordtyq kórsetkishke jetti, dep habarlaıdy Almaty-akshamy.kz Energyprom.kz silteme jasap.
Salystyrmaly túrde qaraıtyn bolsaq: ótken jyldyń sáıkes kezeńinde úı sharýashylyǵynyń shyǵyndary jan basyna shaqqanda 188,2 myń teńgeni qurady, ıaǵnı bir jylda 6,7% kóbeıgen.
Óńirlerdi salysytyratyn bolsaq, Almaty turǵyndarynyń shyǵyndary eń joǵary kórsetkishke ıe: toqsanyna jan basyna shaqqanda 319,6 myń teńge, bir jyl burynǵy kezeńmen salystyrǵanda birden 19,7%-ǵa artyq bolǵan. Ekinshi jáne úshinshi oryndarda Qaraǵandy oblysy (jan basyna shaqqanda 275,3 myń teńge, jylyna 15% qosylǵan) jáne astana (266,2 myń teńge, 14,9% kóbeıgen) tur.
Eń tómengi kórsetkishter Shymkentte baıqalyp otyr: bar bolǵany 158,2 myń teńge, jylyna 6,7% qosylǵan. Bul respýblıkalyq ortasha kórsetkishten birden 28%-ǵa az.
Shyǵynnyń eń kóp ósimi Soltústik Qazaqstan oblysynda bolǵan – birden plús jylyna 30,1%, 245,9 myń teńgege deıin.
Halyqtyń barlyq shyǵynyn, ıaǵnı 91,9%-yn tutyný shyǵyndary quraıdy: 201,8 myń teńge, bir jyl burynǵydan 16%-ǵa artyq. Onyń ishinde azyq-túlik taýarlarynyń quny 109,9 myń teńgeni, azyq-túlik emes taýarlarǵa – 53,2 myń teńgeni, aqyly qyzmetterge – 38,8 myń teńgeni qurady.
Týystaryna materıaldyq kómek kórsetýge jáne alıment óndirýge 4,1 myń teńge, qaryzdy óteýge 13,4 myń teńge, salyq, tólemder jáne basqa da tólemderge 437 teńge jumsaldy.
