Arnaıy platformaǵa 13,4 myń qazaqstandyq tirkelgen.
Bes myńnan astam jumyssyz júrgen qazaqstandyq ótken jyly onlaın rejımde kýrstan ótti, dep habarlaıdy Almaty-akshamy.kz.
«Ótken jyldyń shilde aıynda skills.enbek.kz onlaın rejımde kásiptik oqytý platformasy iske qosylǵan sátten bastap 7,4 myńnan astam azamat, onyń ishinde 5,4 myń jumyssyz kýrstan ótkeni týraly sertıfıkat aldy. Platformada 13,4 myń qazaqstandyq tirkeldi», - delingen Eńbek mınıstrliginiń baspasóz qyzmetiniń habarlamasynda.
Bul rette 5,4 myń jumyssyz azamattyń 2,3 myńy – negizinen Qyzylorda, Batys Qazaqstan, Túrkistan, Atyraý jáne Aqtóbe oblystarynyń jastary.
Avtorlar iske qosylǵan sátten bastap platformada ártúrli baǵyttar boıynsha 100-den astam kýrstar jarıalandy, olardyń 58-i – tegin. Kýrstardyń uzaqtyǵy - 1 saǵattan 72 saǵatqa deıin.
2021 jyly «Ýpravlenıe personalom», «Sútti iri qara ósirý», «Kasır», «Vyrashıvanıe klýbnıkı ot A do Ia» jáne «Unnan jasalǵan kondıter ónimderi, jiktelýi daıyndalý tehnologıasy» kýrstary suranysqa ıe boldy
«Aǵymdaǵy jyldyń qańtar aıynda biz tirkelgen 649 paıdalanýshy men sertıfıkat alǵan 110 bilim alýshyny aldyq. Sonymen qatar, jumyssyz adamdardy memlekettik qoldaý aıasynda osy jyly biz 20 myń adamdy onlaın rejımde kásibı oqytýmen qamtýdy josparlap otyrmyz», – deıdi «ERDO» AQ prezıdenti Dáýlet Arǵandyqov.
skills.enbek.kz platformasy jalpy el halqynyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan.
«Platforma marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas quryldy. Onda kez-kelgen adam oqı alady jáne oqý nátıjeleri boıynsha daǵdylardy ıgerý týraly sertıfıkat ala alady», – deıdi «ERDO» AQ basqarýshy dırektory Aleksandra Molchanovskaıa.
Oqýǵa tikeleı https://skills.enbek.kz/ siltemesi arqyly nemese enbek.kz elektrondyq eńbek bırjasynda «Onlaın oqytý» bólimin tańdaý arqyly ótýge bolady.
Platformada bilim alýshy oqytýdyń qolaıly qarqynyn, oqytý tilin jáne materıaldy berýdiń yńǵaıly qaǵıdatyn óz betinshe tańdaıdy. Oqý prosesinde bilim alýshy óziniń oqý jetistikteriniń progresin baqylaı alady.
Oqý aıaqtalǵannan keıin bilim alýshy 70% shekti deńgeımen testileý tapsyrýy tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty – stýdent tarapynan kýrsty baǵalaý.
Bul sertıfıkat enbek.kz elektrondyq eńbek bırjasynda tirkelgen kezde bilim alýshy jasaǵan túıindemede avtomatty túrde kórsetiledi. Bos jumys oryndaryn izdeý kezinde áleýetti jumys berýshi skills.enbek.kz-te sátti oqýdan keıin alynǵan sertıfıkattardy kóretin bolady.
Onlaın kýrstardy jasaýshylar platformada avtor retinde tirkele alady. Avtorlar men ázirleýshiler úshin platformada onlaın kýrstardy ornalastyrý tegin. Kýrstardy qurýǵa arnalǵan quraldardy qoldaný óte ońaı.
Usynylatyn onlaın kýrstardyń uzaqtyǵy 6-dan 144 saǵatqa deıin. Kýrstarda aqparatty usynýdyń ártúrli formattary bolýy tıis: mátin, prezentasıalar, beıne jáne aýdıomaterıaldar, ınfografıka jáne basqa da túrleri. Sondaı-aq kýrstar memlekettik jáne orys tilderinde ornalastyrylýy múmkin. Platforma erekshe qajettilikteri bar stýdentter úshin ınterfeısti beıimdeý múmkindigin usynady.
skills.enbek.kz platformasynda tirkelý jáne jumys isteý boıynsha barlyq suraqtar boıynsha «ERDO» AQ jaýapty qyzmetkerlerimen tómendegi nómirler boıynsha baılanysýǵa bolady: 8 (7172) 95 43 17 (ishki. 877, 878).