Úzdik bıolog ataǵy úshin álemniń 80 elinen 330 jas baq synaıdy
Astanada 7-14 shilde kúnderi oqýshylar arasynda bıologıadan eń bedeldi halyqaralyq olımpıada IBO-2024 ótedi. Úzdik bıolog ataǵy úshin álemniń 80 elinen 330 jas baq synaıdy, dep habarlaıdy almaty-akshamy.kz.
IBO-2024 teorıalyq jáne praktıkalyq eki kezeńnen turady. Olar ǵylymnyń negizgi salalaryndaǵy suraqtardy qamtıdy. Bul jasýshalyq jáne molekýlalyq bıologıa, janýarlar men adamdardyń anatomıasy men fızıologıasy, genetıka, evolúsıa, ekologıa jáne t. b.
«2024 jyly 35-shi ret uıymdastyrylǵaly otyrǵan álemdik doda Astanada ótedi. Mundaı sheshimdi Halyqaralyq uıymdastyrý komıteti qabyldady. Bul Qazaqstannyń álemdik bilim berý júıesiniń keńistigine sátti qadamy», - dep atap ótti «Daryn» RǴPO dırektory Ǵajdembek Tursynov.
Atalmysh halyqaralyq bıologıa olımpıadasy oqýshylar úshin ózderiniń zıatkerlik áleýetin ashýǵa jáne álemdik arenada óz bilimderin kórsetýge tamasha múmkindik.
NU bazasynda uıymdastyrylatyn olımpıadada qatysýshylar men jetekshiler arnaıy kásibı bilim jáne tájirıbe almasady. Olımpıada máselelerin talqylaý úshin semınarlar men konferensıalar josparlanǵan.