Negizgi ınvestısıanyń 72%-i búdjet qarajaty esebinen bolǵan.
Osy jyldyń basynan qyrkúıekke deıin bilim salasyna 219,1 mıllıard teńge ınvestısıa tartyldy, dep habarlaıdy Almaty-akshamy.kz Finprom.kz-ke silteme jasap.
Bul bir jyl burynǵydan 49,2%-ke artyq. Óńirler arasynda eń kóp ınvestısıaǵa Almatyǵa quıyldy: 61,7 mıllıard teńge, bir jyldaǵy ósim – 2,3 ese. Odan keıin Túrkistan oblysy (33,9 mıllıard teńge, 67,8%-ke artyq) jáne Shymkent qalasy (22,3 mıllıard teńge, 20,3%-ke artyq) tur. Úzdik úshtikke engen óńirlerge salynǵan ınvestısıanyń jalpy kólemi 53,8%-ti qurady.
Bul reıtıńte Ulytaý, Qaraǵandy jáne Aqtóbe oblystary tómengi satyda tur.
Bilim salasyna quıylǵan negizgi ınvestısıanyń úshten ekisine jýyǵy jergilikti búdjet esebinen qamtamasyz etildi: 136,5 mıllıard teńge – bir jyl burynǵydan 64,9%-ke artyq.
Mekemelerdiń óz qarajaty esebinen quıylǵan ınvestısıa 51,6 mıllıard teńge (+38,2%), respýblıkalyq búdjetten – 21,8 mıllıard teńge (+22,3%), bank kredıtteri – 6,5 mıllıard teńge (+25,8%), banktik emes qaryzdar – 2,8 mıllıard teńgeni (- 27,6%) qurady.