Úkimettiń 28 maýsymdaǵy qaýlysymen Qazaqstan Respýblıkasynyń Bilim mınıstrligi týraly erejege ózgerister engizdi, dep habarlaıdy Almaty-akshamy.kz
Vedomstvonyń fýnksıalaryna qosyldy:
oblystyń, respýblıkalyq mańyzy bar qalanyń, astananyń Bala quqyqtary jónindegi óńirlik ýákiliniń qyzmet qaǵıdalaryn ázirleý jáne bekitý;
jalpy bilim beretin pánder boıynsha respýblıkalyq jáne halyqaralyq olımpıadalar men ǵylymı jobalar konkýrstaryn (ǵylymı jarystardy), oryndaýshylar konkýrstaryn, kásibı sheberlik konkýrstaryn jáne sporttyq jarystardy irikteý qaǵıdalaryn ázirleý jáne bekitý;
kámeletke tolmaǵandarǵa qatysty qorǵanshylyq nemese qamqorshylyq jónindegi fýnksıalardy júzege asyratyn organdardyń qyzmetin uıymdastyrý qaǵıdalaryn ázirleý jáne bekitý;
zorlyq-zombylyqqa, qatygezdikke, býllıngke ushyraǵan kámeletke tolmaǵandarǵa, sondaı-aq jeke adamǵa qarsy quqyq buzýshylyqtar jasalǵan kámeletke tolmaǵandarǵa kómek kórsetý baǵdarlamalaryn ázirleý jáne bekitý;
bilim berý-saýyqtyrý uıymdary qyzmetiniń jáne olardyń tıisti túrleriniń úlgilik qaǵıdalaryn ázirleý jáne bekitý (2025 jylǵy 1 qańtardan bastap).
Bul rette mınıstrliktiń birqatar fýnksıalary alynyp tastaldy:
Halyqty áleýmettik qorǵaý jáne densaýlyq saqtaý salasyndaǵy ýákiletti organdarmen kelisim boıynsha Arnaýly áleýmettik qyzmetter kórsetetin sýbektiniń menshik nysanyna qaramastan, áleýmettik qyzmetkerlerge qoıylatyn biliktilik talaptaryn jáne olardy atestattaý qaǵıdalaryn ázirleý jáne bekitý;
áleýmettik qyzmetkerler mamandyqtarynyń tizbesin, olardy daıarlaý jáne biliktiligin arttyrý standarttaryn bekitý;
bilim berý uıymdarynda balalardy tamaqtandyrýdy uıymdastyrý, balalardy mektepke aparý, qadaǵalaýsyz qalýdyń jáne quqyq buzýshylyqtardyń aldyn alý boıynsha QR zańnamasynyń oryndalýyna baqylaýdy júzege asyrý;
devıantty minez-qulqy jáne erekshe kútim rejımi bar balalarǵa arnalǵan arnaıy bilim berý uıymdarynyń qyzmetine baqylaýdy júzege asyrý;
balanyń quqyqtary men zańdy múddelerin qamtamasyz etýge baǵyttalǵan QR Bala quqyqtary zańnamasynyń saqtalýyn baqylaýdy júzege asyrý.
Qaýly 2025 jylǵy 1 qańtardan bastap qoldanysqa engiziletin normany qospaǵanda, 2024 jylǵy 28 maýsymnan bastap qoldanysqa engizildi.